Мин хос эhэм сэрии геройа!

Мин хос эhээм Петров Василий Романович

1927 с. Ахсынньы 10 кyнугэр Нам улууhугар, Yeдэй нэhилиэгэр Бардыалаах диэн сиргэ тeрeeбyтэ. Дьоно eлeннeр Илииhэ диэн эмээхсин иитэ ылар, yс кылаастаах Yeдэй орто оскуолатын бyтэрэр. Сааhа ситэ илик буолан ниэмэс сэриитигэр барбата5а.

Сэрии ыар сылларыгар колхозка, окко о5ус сиэтиитигэр, бурдук ыhыытыгар, кыhынын ыанньыксыттарга илии – атах буолан, улахан дьону кытта тэннэ yлэлээн икки ими ыпсарара, кэлин бурдук ыскылаатыгар охраннигынан ананан бу эппиэтинэстээх yлэ5э yлэлээбитэ.

18 сааhын туолбутун кэннэ Милитаристскай Япония Советскай Союзка сэриинэн тyhэн 1945 с. Илинни фронна ынырыллыбыта. Онно Забойкальскай фронт 17 – с армиятын 278 – с стрелковай дивизиятыгар артиллерииринэн сылдьыбыта.Саамай улухан хаан тохтуулаах сэрии Хинчаи куораты ылыыга, Хайлар хайаларын туорааны55а буолбута. Онно мин хос эhэм артиллерист буолан быhачы кыттыбыта, хорсуннук сэриилэспитэ. Кантузияланан, икки кулгаа5ар истибэт буолан госпиталга сытар. Ол кэнниттэн 6 сылы быhа сулууспалаан дойдутугар тyehyгэр толору уордьан, мэдээл бe5eлeeх кэлэр. Кэлэн баран колхозка, онтон совхозка рабочайынан, сылгыьытынан eр сылларга yлэлээбитэ. Олохтоох кыыhы Охлопкова Анна Прокопьевнаны кытта ыал буолан а5ыс о5ону, тyeрт уолу кытта тyeрт кыыс о5ону улаатыннаран ыал онортоон баран 1992 с. сааhыары кyн сириттэн тэйбитэ.

Мин кыра бырааттарбар, балтыларбар бэйэм билбиппин кэпсиибин. Элбэх хаан тохтуулаах А5а дойду сэриитигэр геройдуу охсуспут бу хорсун дьон, биhиги дьоллоох олохпут туhугар бэйэлэрин толук уурбуттарыттан киэн туттабын, бу улуу кыайыыга мин хос эhэм Петров Василий Романович геройдуу кыттыбытынан олус киэн туттан yeрэхпэр, оскуола общественнай оло5ор активнайдык кыттан хос эhэбэр майгынныы сатыыбын.